Ek Baat bolu Maa Se Bada Hamdard Aur Baap Se Bada Hamsafar Koi Nehi Hota
Waledain
Monday, May 11, 2026
Khyanat
Jab koi Dost Tumhe apne Raaz batayen,
Aisa samjho ke woh tumhe apni izzat de raha hai
Kabhi us me khayanat maat karna...
Shauhar - Biwi ke liye in baton ka apnana khaas zaroori hai
Islam me shauhar aur biwi ke huqooq barabar hain lekin yaqeenan ek jaise nahi hai (they are equal but not similar). Allah ne dono ko alag fitrat par banaya hai, dono ke kaam alag alag hote hain. Kuch huqooq me shauhar bartari hasil karta hai aur kuch huqooq me biwi bartari hasil karti hai. Lekin Shariyatan ke hisab se dono ke huqooq barabar hote hain.
Rishta wahi kamyab hota hai jisko nibhane ki chahat dono taraf se ho. Isliye lihaza Shauhar - Biwi dono ko apne huqooq samjhna chahiye aur uspe amal karna chahiye
Allah Ta'ala Quran me Farmate Hain,
Wo (biwiya) tumhare liye libaas hain aur tum unke liye libaas ho
(Quran 2:187)
Libaas insan ki zinat badhata hai aur uske aib chhupata hai. Isi tarah shohar aur biwi ko bhi ek dusre ke aib chhupana chahiye aur dusro ke saamne zaahir nahi karne chahiye aur koi galti ho jaaye to narmi ke saath use sahi baat samjhani chahiye aur galat fehmiyo ki wajah se paida hone wale burai (mis understanding) se hamesha bachna chahiye aur ek dusre ki izzat ki hifazat karni chahiye aur ek dusre ki khubiya par nazar rakhna chahiye, khud bhi hamesha aise kaam karne chahiye ke ek dusre ki izzat badhe.
Aapas me mohabbat rakhen aur ek dusre par bharosa rakhe aur ek dusre se achhi tarah rahe.
Ek dusre ki acchaiyo par nazar rakhe aur kamiyo ko aur mamooli galtiyo ko nazar andaz kare.
Ek dusre ko sahi raay (sggestion) de aur islam seekhne aur us par amal karne ka bolte rahen. Aur ek dusre ki Akhirat ki fikr karen
Dusro ke saamne sharm aur haya se pesh aayen, aur aisa koi kaam na karen, jisse ek dusre ki izzat kam ho. Ek dusre ke raaz ya kamiyo ko chhupa kar rakhe, aur dusro ke saamne na bataen.
Ek dusre ki jaiz zaroorato ka khayal rakhe. Mard halaal rozi kama kar laaye aur ghar ka kharcha aur apni biwi ki zarooraton ko pura kare Aur Aurat uski halaal kamai se khaane ka aur dusri zaroorato ka khayal rakhe. Aur uske halal rizq par shukr aur sabr kare aur ghar ka, maal ka aur rishtedaro ka aur ghar walo ka khayal rakhe.
Ek dusre ke liye wafadar hon, shauhar kisi gair aurat ke baare mein ya biwi kisi paraye mard ke baare mein na soche, na usse taalluk (relation) rakhe. Apne humsafar ke samne kisi gair mehram ki tareef naa karen aur naa hi dusron se compare karen aur naa kisi gair mehram se dosti rakhen
Ek dusre ke Rishtedaaro ki izzat kare aur unse acchi tarah mile.
Kisi bhi musibat, bimari, pareshani mein ek dusre ke saath rahen, aur ek dusre ko himmat dilane waali baat karen. Aur Koi galti ho jaaye to us baat ko aaram se, pyar se samjhayen
Aisa koi kaam na kare, jisse ek dusre ke liye dil mein shak paida ho. Agar shauhar ko kuch kaam ya tarika pasand nahi to biwi iska dhyan rakhe, aur agar biwi ko kuch baat pasand nahi to shauhar dhyan rakhe.
Allah Ta'ala se ek dusre ke liye dunya aur aakhirat me bhalai ki aur khairo barkat ki aur salaamati ki dua kare. Jab Shauhar Biwi ek dusre ko pyar se dekhte hain to Allah dono ko khush hokar (pyar se) dekhta hai.
Agar in sab cheezon ko ek tarfa nibhaya jaa raha hai to, rishta ek na ek din kamzoor pad jayega ya toot jayega. Jab dono taraf se nibhaya jaa raha hai to wahi rishta waqt ke sath mazboot hota hai. Shauhar-Biwi ka rishta bahut pyara hota hai, ek dusre ke sath pyar mohabbat se rahiye.
Jo nikah karne wale hain, koshish karen ki ek nek Akhlaaq aur deendar insan se karne ki. Nek Akhlaaq hi hain jo zindagi ko khoobsurat banati hai.
Allah Hum sab ko nek humsafar se nawazen.
Allah har Shauhar - Biwi ko ek dusre ko samajhne, ek dusre ki izzat karne, ek dusre ka khayal rakhne, ek dusre se pyar karne wala, fikar karne wala, bharosa kaayam rakhne wala bana de, ek dusre ki Akhirat ki fikr karne wala banade.
Source : @flower_of_jannaah
Baap k beghair zindagi adhuri hai
"Zindagi mein safalta ki raah par chalne ke liye jis shakhs ka zikr zaroori hai, woh baap hai, kyunki unke bina zindagi adhoori lagti hai."
Yeh kehna hai ke ek baap ka zindagi mein hona aur unka saath dena kamiyabi ke liye bahut zaroori hai. Baap ke bina zindagi adhoori aur adhuri mehsoos hoti hai, kyunki unka pyar, rehnumai (guidance), aur hifazat har kadam par zaroori hoti hai.
Imtihaan Me Paas Hone Ki Dua
Imtihaan Me Paas Hone Ki Dua
EXAM Mein Pass Hone Ki DUA
Exam Dene Se Pehle Is ๐คฒ Dua Ko 7 Baar Padh Kar Jaye
Fa Inna Hasbakallahu Huwal Lazi Ayyadaka
Binasrihi Wa Bil Mu'mineen
To Beshak Allah Tumhein Kaafi Hai Wahi
Hai Jis Ne Apni Madad Aur
Musalmano Ke Zariye Tumhari Madad Farmayi
Izzat
Izzat Jitni Doge Mohabbat Utni Gehri Hogi Izzat K Bagair Mohabbat Ka Koi Wajood Nahi Kyunki Risht koi bhi Ho Izzat K Bina Bekaar Hai
Hazrat Ali (RA)
Sunday, May 10, 2026
Jism Bhi "Allah" Ka, Rooh Bhi "Allah" Ki.... Hukum Bhi "Allah" Ka, Marzi Bhi " Allah" Ki...
Yeh chhoti si lines apne andar bahut gehra paighaam rakhti hain. Insaan aksar duniya ki bhaag-daud mein yeh bhool jata hai ki uska wajood, uski saansein, uski taqat aur uski zindagi sab Allah ki amanat hain. Hum is duniya mein apni marzi se nahi aaye aur na hi apni marzi se yahan se jayenge. Har cheez Allah ke hukm se hoti hai.
Jab insaan yeh samajh leta hai ki uska jism bhi Allah ka diya hua hai aur rooh bhi Allah ki amanat hai, tab uske andar ek ajeeb sukoon paida hota hai. Phir woh apni zindagi ko sirf duniya ke liye nahi, balki Allah ki raza ke liye jeene lagta hai. Uski soch badal jaati hai. Woh gham mein bhi shukr karta hai aur khushi mein bhi Allah ko yaad rakhta hai.
Aaj ke daur mein insaan apni planning, apni success aur apni khwahishon ko sab kuch samajhne laga hai. Lekin haqeeqat yeh hai ki jab tak Allah ki marzi na ho, kuch bhi mumkin nahi hota. Kabhi hum kisi cheez ko paane ke liye bahut mehnat karte hain, lekin woh nahi milti. Aur kabhi bina soche samjhe Allah humein woh de deta hai jo humne kabhi socha bhi nahi hota. Yeh sab Allah ki hikmat aur uski marzi ka hissa hai.
Insaan ki asli kamyabi sirf paisa, shohrat ya duniya ki rahat nahi hoti. Asli kamyabi yeh hai ki Allah humse raazi ho jaye. Jab banda Allah ke hukm ko apni zindagi ka hissa bana leta hai, tab uska dil halka ho jata hai. Use har haal mein Allah par bharosa rehta hai. Woh jaanta hai ki jo kuch ho raha hai, usmein bhi Allah ki koi behtareen hikmat chhupi hui hai.
Kabhi kabhi zindagi mein dukh, takleef aur imtehan aate hain. Insaan tootne lagta hai, lekin agar uske dil mein Allah par yaqeen ho, toh woh dobara uth khada hota hai. Kyunki usse pata hota hai ki Allah apne bande ko kabhi akela nahi chhodta. Har mushkil ke baad aasani bhi Allah hi deta hai.
Humein chahiye ki hum apni zindagi ko Allah ki amanat samajh kar guzarein. Apne jism ko gunahon se bachayein, apni rooh ko namaz aur zikr se paak rakhein, aur har faisle mein Allah ki raza talash karein. Jab banda sachche dil se Allah ko apna maalik maan leta hai, tab uski zindagi mein sukoon, barkat aur roshni aa jaati hai.
Aakhir mein bas itna yaad rakhiye:
Hum Allah ke hain,
Aur humein usi ki taraf laut kar jaana hai ๐
Namaz
Namaz
Namaz Gumshuda Rooh ka ilaaj hai ye Uljhe Dimag aur toote Dil ka ilaaj hai !
Apni Rooh Ko Roz Namaz Se Recharge Karte Raho
Fajar Zohar Asar Magrib Isha
Apni Rooh Ko Roz Namaz Se
Recharge Karte Raho
HumSafar
HumSafar
Aise Insaan Ko Apna HumSafar Banao Jo Apki
Akhirat Ki Bhi Fikar Kare
"Apne saathi ya dost ko aise chunna jo aapki aakhri manzil (Aakhirat) ki bhi parwah kare."
Yani, aise logon se dosti ya rishta banana chahiye jo sirf is duniya ki nahi, balki aapki roohani aur aakhirat ki behtari ki bhi fikr karein. Isse yeh hota hai ki aap dono ek dusre ko behtar insaan banne mein madad karte hain.
Mobile k 20 Gunah
Mobile k 20 Gunah
1. Bad Nazri Ka Gunah
2. Gair Mehram Ke Sath Rabte Ka Gunah
3. Wqat Ko Zaya Karne Ka Gunah
4. Fizuliyat Ka Gunah
5. Jhut Bolne Ka Gunah
6. Jhut Rishte(Dosti) Ka Gunah
7. Be Adbi Ka Gunah
8. Gane Filmo Ka Gunah
9. Bina Ijazat Tasweer Video Or Recordings Ka Gunah
10. Mobile Ke Zariye Sood Ka Gunah
11. WiFi Chori Ka Gunah
12. Mobile Ke Andar Quran Ki Be Adbi Ka Gunah
13. Riyakari Ka Gunah
14. Laparwahi Ka Gunah
15. Masjid Ki bijli Se Charge Karne ka Gunah
16. Salam Ke Bajaye Hello Kehne Ka Gunah
17. Ankh, Hath,Karan,Ke Zina Ka Gunah
18. Mobile Ke Zariye Paise Fraud Ka Gunah
19. Najayez Haram Business Ka Gunah
20. Beparda,Behayayi Ka Gunah
Is Mobile Ke Gunah Se Qayamat Ke Din Hazaro Log Jahannum Me Jayege
Jo Mobile Ke Gunah Se Bach Sake Us Ke Liye Mobile Rakhna Jayez Hai Warna Jayez Nahi Haram Hai
Gunahon Ko Chod Do Ya Phir Mobile Ko Hi Chod Do Warna Roohani Taraqqi Nahi Ho Sakegi
Wednesday, May 6, 2026
Do Gunah Aise Hai Jinki Saza...
Aap (๏ทบ) Ne Farmaya
Do Gunah Aise Hai Jinki Saza Duniya Mein Bhi Milti Hai (Aur Akhirat Mein Bhi) Or Wo Hai Zulm wa Sarkashi(badmashi) Or Maa Baap Ki Na Farmani
(Al Mustadrak Lilhakim 7350)
Sadqa
Aap (๏ทบ) Ne Farmaya
Khaao Piyo Sadqa Karo Aur Accha Libas Pehno Bas Takabbur Aur Israaf Nahi Hone Chahiye
(Masnad Ahmad 9334)
