Shauhar - Biwi ke liye in baton ka apnana khaas zaroori hai

Shauhar - Biwi ke liye in baton ka apnana khaas zaroori hai

Islam me shauhar aur biwi ke huqooq barabar hain lekin yaqeenan ek jaise nahi hai (they are equal but not similar). Allah ne dono ko alag fitrat par banaya hai, dono ke kaam alag alag hote hain. Kuch huqooq me shauhar bartari hasil karta hai aur kuch huqooq me biwi bartari hasil karti hai. Lekin Shariyatan ke hisab se dono ke huqooq barabar hote hain.

Rishta wahi kamyab hota hai jisko nibhane ki chahat dono taraf se ho. Isliye lihaza Shauhar - Biwi dono ko apne huqooq samjhna chahiye aur uspe amal karna chahiye

Allah Ta'ala Quran me Farmate Hain,

Wo (biwiya) tumhare liye libaas hain aur tum unke liye libaas ho 

(Quran 2:187)

Libaas insan ki zinat badhata hai aur uske aib chhupata hai. Isi tarah shohar aur biwi ko bhi ek dusre ke aib chhupana chahiye aur dusro ke saamne zaahir nahi karne chahiye aur koi galti ho jaaye to narmi ke saath use sahi baat samjhani chahiye aur galat fehmiyo ki wajah se paida hone wale burai (mis understanding) se hamesha bachna chahiye aur ek dusre ki izzat ki hifazat karni chahiye aur ek dusre ki khubiya par nazar rakhna chahiye, khud bhi hamesha aise kaam karne chahiye ke ek dusre ki izzat badhe.

 ۝  Aapas me mohabbat rakhen aur ek dusre par bharosa rakhe aur ek dusre se achhi tarah rahe.

 ۝Ek dusre ki acchaiyo par nazar rakhe aur kamiyo ko aur mamooli galtiyo ko nazar andaz kare.

 ۝ Ek dusre ko sahi raay (sggestion) de aur islam seekhne aur us par amal karne ka bolte rahen. Aur ek dusre ki Akhirat ki fikr karen

 ۝Dusro ke saamne sharm aur haya se pesh aayen, aur aisa koi kaam na karen, jisse ek dusre ki izzat kam ho. Ek dusre ke raaz ya kamiyo ko chhupa kar rakhe, aur dusro ke saamne na bataen.

 ۝ Ek dusre ki jaiz zaroorato ka khayal rakhe. Mard halaal rozi kama kar laaye aur ghar ka kharcha aur apni biwi ki zarooraton ko pura kare Aur Aurat uski halaal kamai se khaane ka aur dusri zaroorato ka khayal rakhe. Aur uske halal rizq par shukr aur sabr kare aur ghar ka, maal ka aur rishtedaro ka aur ghar walo ka khayal rakhe.

 ۝Ek dusre ke liye wafadar hon, shauhar kisi gair aurat ke baare mein ya biwi kisi paraye mard ke baare mein na soche, na usse taalluk (relation) rakhe. Apne humsafar ke samne kisi gair mehram ki tareef naa karen aur naa hi dusron se compare karen aur naa kisi gair mehram se dosti rakhen

 ۝ Ek dusre ke Rishtedaaro ki izzat kare aur unse acchi tarah mile.

 ۝ Kisi bhi musibat, bimari, pareshani mein ek dusre ke saath rahen, aur ek dusre ko himmat dilane waali baat karen. Aur Koi galti ho jaaye to us baat ko aaram se, pyar se samjhayen

 ۝ Aisa koi kaam na kare, jisse ek dusre ke liye dil mein shak paida ho. Agar shauhar ko kuch kaam ya tarika pasand nahi to biwi iska dhyan rakhe, aur agar biwi ko kuch baat pasand nahi to shauhar dhyan rakhe.

 ۝ Allah Ta'ala se ek dusre ke liye dunya aur aakhirat me bhalai ki aur khairo barkat ki aur salaamati ki dua kare. Jab Shauhar Biwi ek dusre ko pyar se dekhte hain to Allah dono ko khush hokar (pyar se) dekhta hai.

 ۝Agar in sab cheezon ko ek tarfa nibhaya jaa raha hai to, rishta ek na ek din kamzoor pad jayega ya toot jayega. Jab dono taraf se nibhaya jaa raha hai to wahi rishta waqt ke sath mazboot hota hai. Shauhar-Biwi ka rishta bahut pyara hota hai, ek dusre ke sath pyar mohabbat se rahiye.

 ۝ Jo nikah karne wale hain, koshish karen ki ek nek Akhlaaq aur deendar insan se karne ki. Nek Akhlaaq hi hain jo zindagi ko khoobsurat banati hai.

Allah Hum sab ko nek humsafar se nawazen.

Allah har Shauhar - Biwi ko ek dusre ko samajhne, ek dusre ki izzat karne, ek dusre ka khayal rakhne, ek dusre se pyar karne wala, fikar karne wala, bharosa kaayam rakhne wala bana de, ek dusre ki Akhirat ki fikr karne wala banade.

Source : @flower_of_jannaah

Jo Allah Ne Muqaddar Men Likhaa Hai Kya Sirf Wahi Milega ???

Sawal. Jo Allah Ne Muqaddar Men Likhaa Hai Kya Sirf Wahi Milega ???

Jawab : Mukadar Mai Likha hua ka Milna Har Haal Mai Lazim Hota Hai

Magar Duaa To Namumkin ke Liye Hi Hoti Hai.

Duaa Unkay Liye Hai Jo Tumhary Naseeb Ka Hissa Nahi Hote

Sawal. Tum kahte Ho Ke Jab Woh Mukaddar Mai Hai Hii Nhi To Phir Duaa Kyun Mangon Mai ?

Jawab. Tum Ye Kyun Nhi Sochte ke Dene Wala Takdeer se Aur Tumhare Waswason Se Bahot Bada Hai

Kya Ho Agar Allah Ne Mukaddar Ka Wo Hissa Namukamal Isliye Rakha Ho

Ke Turn Us Khali Jagah Ko Apni Duaon Se Apni Chahat Kay Mutaabik Mukamal Kro

Sawal. Kya Ho Agar Wohi Tumhara Naseeb Ho Jis Par Tum Himmat Haar Baithe Ho ?

Jawab. Sabr Se Guzaar Kar Woh Tumhare Yakeen Ka Imtehaan Leta hai

Wo Tumhe Saza Nahi Deta Hai Woh To Bus Tumhe Apne Kareeb Lane Kay Liye Aazmata Hai

Waqt

Waqt..

Mushkil Waqt Duniya Ka Aisa

Jadugar Hai Jo Ek Pal Me Aapki

Chahat Ke Dawedaro Ka Chehra 

Be-nakab Kar Deta Hai

Sirf baap hi ek aisa shakhs hota hai jo ...

Yaani, ek baap apni aulaad ke liye hamesha behtareen chahata hai, khud se bhi zyada.

Aise Insaan ko kabhi mat gawana

Aise Insaan ko kabhi mat gawana

Ese"insaan ko kabhi mat gawana jiske dil me tumhare liye mohobbat, fikar, izzat or chahat ho".

Hazrat Ali

 

 

Astaghfar ki Dua

Astaghfar ki Dua 2

Laa ‘ilaaha illallaaku wahdahu laa shareeka lahu,
lahul-mulki wa lahul- hamdu,
waHuwa alaa kulli Shayin Qadeer.

Allah ke elaawah koi sachcha mabood nahin, woh akela hai, uska koi shareek nahin, usi ke liye badshahat hai aur usi ke iiye tamaam tareefaat hain aur woh har cheez par qaadir hai.

📕 Sunan Abu Dawood: 5077-Sahih
📕 Sunan Ibne Majah 3868
📕 Musnad Ahmed: 4/60-Sahih

۞ Hadees: “Ek martaba padhna bhi durust hai aur jis shakhs ne din mein 100 martaba yeh kalimaat kahe tou usey 10 Ghulaam Aazaad karne ka sawaab milega.

uske liye 100  nekiyan likhi jayengi aur 100 Ghalati mitaa di Jaayengi, shaam tak shaitaan se mahfooz rahega, aur qayamat ke din us sey afzat amal lekar koi nahi aaeyga lekin woh shakhs jisne yahi kalimaat ziyada martaba kahe.”

📕 Sahih Bukhari: 3293, Sahih Muslim:2691

Biwi k huqooq

Aurto ka Haq Mardo par waisa hi hai jaisa Dastoor ke Mutabiq (Mardo ka haq) Aurato par hai, Al batta mardo ko unn par fazeelat hasil hai.

(Quran 2:228)

Koi Momin Mard, Momina Aurat, Yaani Apni Biwi se Bhugz (nafrat) na rakkhe, kyunki agar Us sey uss ki koi Aadat Napasand hai tou koi dusri pasand bhi hogi. 

(Muslim 1467)

Isi Tarha Allah Ke Rasool (ﷺ) ki Aahadees me farmaya ki,

Aurato se behtar Sulook karo kyunki Aurat pasli se paida ki Gayi hai aur pasli ka sab se zyada tedha hissa woh hai jo uska buland hissa hai.. Agar tu Usey Seedha karne lage ga tou Usey Thodh dega aur agar Chodh dega tou Tedhi hi Rahegi, Lihaza Aurto se Accha Sulooq karo.

(Bukhari 3331)

Aur dastoor ke Mutabiq Tumhari Biwiyo ki khuraaq aur Phoshaaq tumhare Zimme hai. (Hadith: Abu Dawud 1905)

Jis ki Do Biwiya ho aur woh Unn me se Ek ki taraf hi Mayeel (Atract) ho tou woh Qayamat ke Din is Haal me Aayega ke uska Ek Pehlu Jhuka hoga" (Hadith: Abu Dawud 2133)

Albatta woh umoor jinn me adal mumkin na ho jaise Mohabbat aur Dil ki Khushi tou in par khawind par khuch gunah nhi.

Rasool Allah (ﷺ) se phucha gaya ke biwi ka mard par kya haq hai tou aap ne farmaya ke,

Jab tu khana khae tou Usey khana khila aur ja tu Pehne tou Usey bhi Pehnna aur uske Muuh par na Maar, Usey bura bhala Kahe na Uss se Qata Talluq kar magar yeh ke Ghar ke Andar Andar.

 (Abu Dawud 2142)

Yaani kisi baat par Naraaz ho tou Usey Ghar se Dusri jagah na bhagao

Rasool Allah (ﷺ)ne farmaya ke,

Aye Allah! yeh meri taqseem aise muamle me hai jis me mera ikhtyaar hai aur jiss baat me tera ikhtyaar hai, mera nahi uss par mujhey malamat na farmana. 

(Hadith: Abu Dawud 2134)

Agar tum chaaho bhi to apni Biwiyo ke Darmiyaan Adal na kar sakoge.

(Quran; Surah Nisa; 4:129)

Allah Rabbul Izzat Quran-e Kareem me farmata hai:

Aur Biwiyo ke saath Acchi tarah raho saho.

(Quran 4:19)

🕌 Ghar Mein Salaam Karne Ki Barkat 🤲✨

Rasool Allah ﷺ Ki Khoobsurat Sunnat

📖 Rasool Allah ﷺ Ne Farmaya:

"Jab apne ghar waalon ke paas jaao to unhein salaam karo, is se tum par aur tumhare ghar waalon par barkatein naazil hongi."

📚 (Tirmizi : 2698)

🌸 Assalaamu Alaikum Wa Rahmatullahi Wa Barakaatuhu sirf ek salaam nahi, balki ek khoobsurat dua hai. Iska matlab hai: "Tum par Allah ki salaamati, rahmat aur barkatein hon." Islam ne salaam ko mohabbat, bhai-chaare aur ek doosre ke dilon ko jodne ka zariya banaya hai. Afsos ki baat hai ki aaj bahut se log ghar mein daakhil hote hi mobile ya doosre kaamon mein lag jaate hain, lekin salaam karna bhool jaate hain.

────────────────────

🌿 Salaam Ek Sunnat Aur Ibaadat Hai

🤲 Jab koi Musalman ghar mein daakhil hote hi "Assalaamu Alaikum" kehta hai, to woh sirf ghar waalon ko salaam nahi karta, balki unke liye Allah ki rahmat aur barkat ki dua bhi karta hai.

💖 Yeh chhota sa amal Allah ko bahut pasand hai aur is se ghar ka mahaul sukoon aur mohabbat se bhar jaata hai.

────────────────────

🏡 Ghar Mein Salaam Karne Ki Ahmiyat

🌷 Ghar woh jagah hai jahan insaan sukoon dhoondhta hai. Agar ghar mein daakhil hote hi salaam ki awaaz goonjti hai, to ghar ka mahaul aur bhi khoobsurat ho jaata hai.

😊 Bachche, walidain aur ghar ke doosre afraad khushi mehsoos karte hain aur dilon mein apnapan badhta hai.

────────────────────

🌹 Salaam Se Barkat Naazil Hoti Hai

✨ Hadees mein waada kiya gaya hai ki jo shakhs ghar mein salaam karta hai, us par aur uske ghar waalon par barkatein naazil hoti hain.

🌸 Barkat ka matlab sirf maal ki ziyadati nahi, balki:

✅ Ghar mein sukoon.

✅ Rizq mein barkat.

✅ Dilon mein mohabbat.

✅ Jhagdon mein kami.

✅ Allah ki rahmat.

✅ Khushhaali aur itminaan.

────────────────────

❤️ Salaam Mohabbat Ko Mazboot Banata Hai

🤝 Jab ghar ke afraad roz ek doosre ko salaam karte hain, to dilon ki dooriyan khatam hone lagti hain.

💞 Gussa, nafrat aur gile-shikwe dheere-dheere kam ho jaate hain.

🌿 Islam chahta hai ki Musalman ek doosre se mohabbat ke saath rahen aur salaam uski behtareen shuruaat hai.

────────────────────

👨‍👩‍👧‍👦 Bachchon Ko Salaam Ki Aadat Sikhayein

🌸 Bachche wahi seekhte hain jo apne walidain ko karte hue dekhte hain.

👦 Jab bachcha school se aaye…

👧 Jab ghar se bahar nikle…

🏡 Jab kisi rishtedaar ke ghar jaaye…

Har jagah Assalaamu Alaikum kehne ki aadat daaliye.

💖 Yeh unki deeni tarbiyat ka aham hissa hai.

────────────────────

🌺 Salaam Karne Mein Pehal Karein

🤲 Bahut log intezar karte hain ki pehle saamne wala salaam kare.

🌹 Lekin Islam humein sikhata hai ki salaam karne mein pehal karna afzal amal hai.

😊 Jo pehle salaam karta hai, woh zyada sawaab ka haqdaar banta hai.

────────────────────

🏠 Khaali Ghar Mein Bhi Salaam Karein

✨ Agar ghar mein koi maujood na bhi ho, tab bhi ghar mein daakhil hote waqt salaam karna chahiye.

🌿 Is amal se Allah ki rahmat aur barkat naazil hoti hai aur banda har haal mein Allah ko yaad karta hai.

────────────────────

🌟 Salaam Karne Ke Faayde

💖 Salaam karne se:

✅ Allah ki rahmat milti hai.

✅ Ghar mein barkat aati hai.

✅ Mohabbat badhti hai.

✅ Dil saaf hote hain.

✅ Shaitaan door hota hai.

✅ Ghar ka mahaul khushgawaar banta hai.

────────────────────

⚠️ Aaj Ki Aam Ghalatiyan

❌ Ghar mein bina salaam kiye daakhil hona.

❌ Mobile mein masroof rehna.

❌ Sirf "Hi", "Hello" ya "Good Morning" kehna aur Islami salaam chhod dena.

❌ Bachchon ko salaam ki taleem na dena.

🌸 Humein apni zindagi mein Sunnat ko zinda karna chahiye.

────────────────────

🤲 Hamari Zimmedari

💞 Agar hum chahte hain ki hamare ghar mein sukoon, mohabbat aur barkat bani rahe, to humein ghar mein daakhil hote hi muskurakar salaam karna chahiye.

🚪 Sirf chand lafz:

"Assalaamu Alaikum Wa Rahmatullahi Wa Barakaatuhu."

Lekin iska asar poore ghar ke mahaul ko badal sakta hai.

────────────────────

🌈 Nateeja

🌹 Salaam ek chhota sa amal hai, lekin iska ajr aur faayda bahut bada hai. Yeh Sunnat gharon mein mohabbat, sukoon aur barkat lekar aati hai.

🤲 Aaiye, aaj hi niyyat karein ki jab bhi apne ghar mein daakhil honge, sabse pehle salaam karenge aur apne bachchon ko bhi is Sunnat ki taleem denge.

✨ Allah Ta'ala humein salaam ki Sunnat par amal karne, apne gharon ko barkat aur mohabbat se bharne aur hamesha apni rahmat mein rakhne ki taufeeq ata farmaaye. Aameen. 🤲🌹

---

Alhamdulillah

 

🕊️

Kabhi apni zindagi ko

dusron ki zindagi se compare mat karo…

Allah har kisi ki kahani

alag waqt par likhta hai. ✨