Khyanat

Jab koi Dost Tumhe apne Raaz batayen, 

Aisa samjho ke woh tumhe apni izzat de raha hai

 Kabhi us me khayanat maat karna...

Allah ka Insaaf

Kisi ke saath bura karke apni bari ka 

intezaar zaroor karna Q Ki ALLAH 

ka taraazu sirf insaaf toalta hai...

Jinka Nikah Nahi Hua Hai

Ye Post Unke Liye Hai Jo Nikah Karna Chahte Hai Lekin Kisi Wajah Se Unka Nikah Nahi Hua Hai Abhi Tak.

Unhe Apne Aap Ko Rokna Hoga Haraam Cheezo Se Jaise Ki Zinah, Unhe Opposite Gender Ko Dekhne Se Rokna Hoga Offline Or Online.

Aaj Ke Waqt Bahot Asaan Ho Gaya Hai Badkari Or Fahaashi Ki Duniya Me Jaana Lekin Yaad Rakho Aapko Apne Khwahishaat Ko Kabu Me Rakhna Hoga Allah Ko Raazi Karne Ke Liye.

Ye Duniya Humare Liye Aazmaish Ki Jagah Hai Or Is Tarah Se Allah Aapke Sabr Ka Imtehaan Lete Hai. Aapko Ye Aazmaish Me Kamyab Hona Hoga Deen Islam Ko Follow Karke.

Apne Khwahishaat Ko Kabu Me

Karte Waqt Aapko Bahot Dikkat

Hogi Or Irritate Hoga Lekin

Yaad Rakhe Apne Nafs Ko Kabu Me Rakh Kar Aap Allah Ki Nazro Me Nek Bante Jayenge.

Haa Pata Hai Society Or Mahol Aisa Hai Ki Har Taraf Se Sexually Cheeze Hai, Or Bahot Se Log Aapko Nicha Dekhte Hai Kyuki Aapka Koi GF-BF Nahi Hai Lekin Yaad Rakhe Ki Aap Pakeezgi Ki Raah Par Chal Rahe Hai.

Apne Aap Ko Paak Rakhe Apne Asli King-Queen Ke Liye, Ye GF-BF Kehlane Wale Jhoote Fitno Me Mat Padhiye. Duniyavi Behkavo Me Naa Kho Jaye Or Shaytaan Ki Chaalo Me Naa Fase.

Mere Tamaam Bhai-Behen Jo Khudko Haraam Se Bacha Kar Rakhe Huye Hai, Aapko Ek Din Single Rehne Ka Behtareen Tohfa Milega Insha Allah.

Allah Aapke Naseeb Me Neik Imaandar, Wafadaar, Loving Or Caring Humsafar Ata Kare. Jo Aapki Deen Duniya Or Akhirat Me Kamyabi Ki Wajah Bane.

Gunehgar k liye Ibadat Mauka

Gunehgar k liye Ibadat  Mauka

Ramzan Wo Khubsurt Mahina Hai Jis Me Allah 

Gunehgar Ko Bhi Ibadat Karne ki Tofik Deta Hai

Raat Zindagi Mei Aisi Bhi Hogi.....

Mujhe Ghamand Nahi 

Kisi Baat Ka, 

Kyun Ki Main Jaanti Hun, Ki Ek 

Raat Zindagi Mei Aisi Bhi Hogi....

Jiske Baad Koi Subha Nahi Hogi..

Pareshani Ka Hal.!!

"Agar khushi chahte hai to wakt par namaz ada kiya kre"

"Agar chehre par noor chahte hai to raat ko tahajjud padha kre"

"Agar sukoon chahte hai to Quran ko aahista aur gaur se padhe"

"Agar aap chahte hai ke tashaddud khatm ho to pdhe La Hawla Wala Quwwata Illa Billah"

"Agar gham se aazad hona chahte hai dua kare aur dua pr pura bhrosa rakhe"

"Apne andruni sukun chahte hai to tauba karte rha kare"

"Agar sehat chahte hai Roze rkhe"

"Agar Allah ki rehmat chahte ho to kasrat se durud pdho"

Apne Gunaaho ki Muafi

Astaghfar ki Dua 3

۞ Hadees: Rasool’Allah (ﷺ) ne farmaya :

Allah se Astaghfar (Apne Gunaaho ki Muafi) ki sabse behtar Dua hai –

“Allahumma Anta Rabbi La Ilaha Illa Anta, Anta Khalaqtani Wa Ana Abduka, Wa Ana ‘Ala Ahdika Wa Wa’dika Mastata’tu, A’udhu Bika Min Sharri Ma Sana’tu, Abu’u Laka Bini’matika ‘Alaiya, Wa Abu Laka Bidhanbi Faghfirli Innahu La Yaghfiru Adhdhunuba Illa Anta.”

Aage Aap (ﷺ) ne farmaya:

“Agar koi Shakhs ye Dua yakeen ke sath din me parhe aur Shaam se pehle Intiqaal(Mout) kar jaye tou Jannat me jayega aur agar yakeen ke sath raat ko parhe aur Subah hone se pehle inteqal kar jaye tou Jannat me jayega.“

📕 Bukhari, Vol:8, Book:75, Hadith 318

Kya Raat mein rupaye Lene dene se gareebi aati hai?

Kuchh log kahate hain ki Raat mein rupaye ka Len den nahin karna chahiye is se ghar mein Barkat nahin Hoti hai yah logon ki galatfahmi hai Aisa khyal badshagooni aur gair isalami tawahhumaat mein se hai aisi chizon se Hadees paak mein mana Kiya gaya hai.

Nabi Akram Sallallahu Alaihi wasllam ne farmaya jisne badshagooni li wo hum mein se nahin yaani hamare tariqe per nahin.

 Lihaza qarz ka len den Karna Kisi waqt manhoos nahin aur raat mein karz dene ya rupya Paisa wagairah ke len den ko manhoos samajhna jahilon ka khyal hai jis ka shariyat mein Koi aitbaar nahin.

Fatawa Bahrul Uloom me hai: "Dinon mein Koi din aur auqaat mein Koi waqt aur ghadi manhus aur na mubarak nahin hai Sab din Allah ta'ala ke hain to Kisi din ki nahusat ka aitqaad karna Gair Islami hai" 

(Fatawa Bahrul Uloom Jild: 4, page: 141, Imaam Ahmad Raza Academy)

Sunnat se ilaz

• Surah Falaq Aur Surah Naas

• Ajwa Khajoor

• Shahed

• Zaitoon Ka Tel

• Kalonji

• Hijama

• Zam Zam Ka Pani

• Talbina

• Surah Fatiha

• Ruqayah

🌟 Surah Falaq Aur Surah Naas

Hazrat Aisha ne bayan kiya ke Rasool Allah (ﷺ) jab beemar padte the to mu'awwidat ki suratein(surah falaq aur surah naas) padh kar use apne uper dam karte (apne uper pad kar phunkna) Phir jab (marz al maut me) Aap (ﷺ) ki  takleef badh gayi to mai un suraton ko padh kar Aap (ﷺ) ke hathon ko barkat ki umeed me Aap (ﷺ) ke jism par pherti thi

(Sahih bukhari-5016)

🌟 Ajwa Khajoor 

Rasool Allah (ﷺ) ne farmaya jo shaks subah ke waqt 7 ajwa khajooren kha lein usey us din na zeher nuksan pohuncha sakega aur na jadu

(Sahih bukhari-5779)

🌟 Shahed 

Rasool Allah (ﷺ) ne farmaya agar tumhari dawaiyon mein koi bhalai hai to shahed ke sharbat me hai

(Sahih bukhari-5702)

🌟 Zaitoon Ka Tel

Rasool Allah (ﷺ) ne farmaya zaitoon ka tel  ba'taur salan istemal karo aur usko apne sar aur badan mein lagao isliye ke ye mubarak darakht se nikalta hai 

(Ibn Majah-3319)

🌟 Kalonji

 Rasool Allah (ﷺ) ne farmaya siyah danon me har beemari se shifa hai siwa saam ke Ibn shihaab rahmatullah ne kaha ke saam maut hai aur siyah daana kalonji ko kehte hai

(Sahih bukhari-5688)

🌟 Hijama 

 Rasool Allah (ﷺ) ne farmaya agar tumhari dawaiyon me shifa hai to wo hijama lagwane me hai Is me (hijama lagwane me) shifa hai 

(Sahih bukhari-5704, 5697)

🌟 Zam Zam Ka Pani 

Abu jamra ad dabi rahmatullah ne bayan kiya ke mai makkah me ibn abbas raziallahu ki khidmat me betha karta tha waha mujhe bukhar ane laga ibn abbas raziallahu ne farmaya ke is bukhar ko zam zam ke pani se thanda karo kyuki Rasool Allah (ﷺ) ne farmaya ke ye bukhar jahannam ki bhap ke asar se ata hai isliye use pani se thanda kar liya karo ya ye farmaya ke zam zam ke pani se

(Sahih bukhari-3261)

🌟 Talbina

Aisha beemar ke liye aur mayyat ke sogwaro ke liye talbina pakane ka hukm deti thi aur farmati thi ke mai ne Rasool Allah (ﷺ) se suna Aap (ﷺ) ne farmaya ke talbina mareez ke dil ko sukoon pohuchata hai aur gham ko door karta hai

(Sahih bukhari-5689)

🌟 Umm Ul Kitab Surah Fatiha

Abu sa'id al khudri rahmatullah aliyh ne bayan kiya ke ham ek fauji safar me the (raat me) ham ne ek qabeele ke nazdik padao kiya phir ek laundi(gulam aurat) ayi aur kaha ke qabeele ke sardar ko bichu ne kaat liya hai aur hamare qabeele ke mard maujud nahi hai kya tum me se koi hai jo kuch tilawat karke ilaaj kar sake? Ek sahabi uske sath chale gaye ham ko malum tha ke wo dam karna nahi jante lekin unhone qabeele ke sardar ka Ruqayah(quran ki ayat me se kuch padna) ke zariye ilaaj kiya wo aadmi thik ho gaya aur usne shukar ada karne ke liye tees bhed dene ka hukm diya aur hame dood pilaya jab wo wapas aye to hamne unse pucha kya tum wage Ruqayah se ilaaj karna jante ho? Unhone kaha ke "Nahi maine to sirf Surat Fatiha padh kar us par dam kar diya tha"

🌟 Umm UI Kitab Surah Fatiha

Ham ne kaha ke "acha jab tak ham Rasool Allah (ﷺ) se iske mutallig na puch le tab tak in bhedo(sheep) ke bare me apni taraf se kuch na kaho" so ham ne madina pahuch kar Rasool Allah (ﷺ) se zikr kiya (taki ye jaan sake ke ham se jo bheden li thi wo lena halal tha ya nahi) to Aap (ﷺ) ne farmaya ke "unhone kaise jana ke surah fatiha ko ilaaj ke liye istemal kiya ja sakta hai? (jao ye maal halal hai) ise taskeem kar lo aur us me mera bhi hissa lagana

(Sahih bukhari-5007)

🌟 Ruqayah 

1) Ye padhiya....

Al fatiha, Ayat ul kursi, Suratul baqarah ki akhri 2 ayat, Quran ki akhri 3 surat aur Aap (ﷺ) ki duaen jo hadees me bayan hai wo bhi padh sakte hai

2) Kaise Karni Hai....

Khud par ruqayah karne ke liye aap apne haton ke hatheliyon ko jamah kare aur un par ruqayah pad kar phunke aur jaha par beemari hai ya jism ke jis hisse me takleef hai waha hath pher lein Aap zam zam pani ya normal pani par bhi 3 ya 5 ya 7 ya11 baar ruqayah pad ke phunk kar pee sakte hai.

Sakht Aazmashe

Sakht Aazmashe

Aazmaish kabhi kabhi itni sakht Hoti ke apko na aage koi raasta nazar Aata hai aur na piche, har taraf andhera Hi andhera hota hai aur aese mein Sirf "yakeen" aur "umeed" aesi roshni Paida karte hein ke ALLAH ki tamam Maslehatein smajh aane lagti hain. Aur phir moujzay hote hain

Roshni ho Tum

Roshni ho Tum

Jo Log Tumhe Sirf Zarurat Ke Waqt 

Yaad Karte Hain, Unke Kaam Zarur Aao Kyun 

Ke Woh Andhere Mein Roshni Dhundte Hain 

Aur Woh Roshni Tum ho…..

Kisi Roz toh hogi Roshan meri bhi zindagi....

Kisi Roz toh hogi Roshan meri bhi zindagi..

Aye khuda intezar mujhe subah ka nahi..

Teri Rahmaton ka hai..!! ♥️

Namaz Roshni Hai

Namaz Roshni Hai

Padhne Waalon Ke Liye, Duniya Se Hashr Tak.