Mohabbat Ho Ya Izzat Kisi Ko Itni Mat Do

Mohabbat Ho Ya Izzat Kisi Ko Itni Mat Do

Mohabbat Ho Ya Izzat Kisi Ko Itni Mat Do,

Ki Wo Apki Qadar Hi Bhool Jaye...

Nikaah Me Bohot Taaqat Hoti Hai, Kyuki

Nikaah Me Bohot Taaqat Hoti Hai, 

Kyuki Isme Gawahon Se Zyada Allah Ki, 

Marzi Shaamil Hoti Hai...! ♥️🌺

Humsafar Dost

Aap ko Humsafar ke Roop me ek Acha aur Behtreen Dost milta hai jo har Sukh Dukh me aapka Sath deta hai

Allah se Dosti

Sunnat se ilaz

• Surah Falaq Aur Surah Naas

• Ajwa Khajoor

• Shahed

• Zaitoon Ka Tel

• Kalonji

• Hijama

• Zam Zam Ka Pani

• Talbina

• Surah Fatiha

• Ruqayah

🌟 Surah Falaq Aur Surah Naas

Hazrat Aisha ne bayan kiya ke Rasool Allah (ﷺ) jab beemar padte the to mu'awwidat ki suratein(surah falaq aur surah naas) padh kar use apne uper dam karte (apne uper pad kar phunkna) Phir jab (marz al maut me) Aap (ﷺ) ki  takleef badh gayi to mai un suraton ko padh kar Aap (ﷺ) ke hathon ko barkat ki umeed me Aap (ﷺ) ke jism par pherti thi

(Sahih bukhari-5016)

🌟 Ajwa Khajoor 

Rasool Allah (ﷺ) ne farmaya jo shaks subah ke waqt 7 ajwa khajooren kha lein usey us din na zeher nuksan pohuncha sakega aur na jadu

(Sahih bukhari-5779)

🌟 Shahed 

Rasool Allah (ﷺ) ne farmaya agar tumhari dawaiyon mein koi bhalai hai to shahed ke sharbat me hai

(Sahih bukhari-5702)

🌟 Zaitoon Ka Tel

Rasool Allah (ﷺ) ne farmaya zaitoon ka tel  ba'taur salan istemal karo aur usko apne sar aur badan mein lagao isliye ke ye mubarak darakht se nikalta hai 

(Ibn Majah-3319)

🌟 Kalonji

 Rasool Allah (ﷺ) ne farmaya siyah danon me har beemari se shifa hai siwa saam ke Ibn shihaab rahmatullah ne kaha ke saam maut hai aur siyah daana kalonji ko kehte hai

(Sahih bukhari-5688)

🌟 Hijama 

 Rasool Allah (ﷺ) ne farmaya agar tumhari dawaiyon me shifa hai to wo hijama lagwane me hai Is me (hijama lagwane me) shifa hai 

(Sahih bukhari-5704, 5697)

🌟 Zam Zam Ka Pani 

Abu jamra ad dabi rahmatullah ne bayan kiya ke mai makkah me ibn abbas raziallahu ki khidmat me betha karta tha waha mujhe bukhar ane laga ibn abbas raziallahu ne farmaya ke is bukhar ko zam zam ke pani se thanda karo kyuki Rasool Allah (ﷺ) ne farmaya ke ye bukhar jahannam ki bhap ke asar se ata hai isliye use pani se thanda kar liya karo ya ye farmaya ke zam zam ke pani se

(Sahih bukhari-3261)

🌟 Talbina

Aisha beemar ke liye aur mayyat ke sogwaro ke liye talbina pakane ka hukm deti thi aur farmati thi ke mai ne Rasool Allah (ﷺ) se suna Aap (ﷺ) ne farmaya ke talbina mareez ke dil ko sukoon pohuchata hai aur gham ko door karta hai

(Sahih bukhari-5689)

🌟 Umm Ul Kitab Surah Fatiha

Abu sa'id al khudri rahmatullah aliyh ne bayan kiya ke ham ek fauji safar me the (raat me) ham ne ek qabeele ke nazdik padao kiya phir ek laundi(gulam aurat) ayi aur kaha ke qabeele ke sardar ko bichu ne kaat liya hai aur hamare qabeele ke mard maujud nahi hai kya tum me se koi hai jo kuch tilawat karke ilaaj kar sake? Ek sahabi uske sath chale gaye ham ko malum tha ke wo dam karna nahi jante lekin unhone qabeele ke sardar ka Ruqayah(quran ki ayat me se kuch padna) ke zariye ilaaj kiya wo aadmi thik ho gaya aur usne shukar ada karne ke liye tees bhed dene ka hukm diya aur hame dood pilaya jab wo wapas aye to hamne unse pucha kya tum wage Ruqayah se ilaaj karna jante ho? Unhone kaha ke "Nahi maine to sirf Surat Fatiha padh kar us par dam kar diya tha"

🌟 Umm UI Kitab Surah Fatiha

Ham ne kaha ke "acha jab tak ham Rasool Allah (ﷺ) se iske mutallig na puch le tab tak in bhedo(sheep) ke bare me apni taraf se kuch na kaho" so ham ne madina pahuch kar Rasool Allah (ﷺ) se zikr kiya (taki ye jaan sake ke ham se jo bheden li thi wo lena halal tha ya nahi) to Aap (ﷺ) ne farmaya ke "unhone kaise jana ke surah fatiha ko ilaaj ke liye istemal kiya ja sakta hai? (jao ye maal halal hai) ise taskeem kar lo aur us me mera bhi hissa lagana

(Sahih bukhari-5007)

🌟 Ruqayah 

1) Ye padhiya....

Al fatiha, Ayat ul kursi, Suratul baqarah ki akhri 2 ayat, Quran ki akhri 3 surat aur Aap (ﷺ) ki duaen jo hadees me bayan hai wo bhi padh sakte hai

2) Kaise Karni Hai....

Khud par ruqayah karne ke liye aap apne haton ke hatheliyon ko jamah kare aur un par ruqayah pad kar phunke aur jaha par beemari hai ya jism ke jis hisse me takleef hai waha hath pher lein Aap zam zam pani ya normal pani par bhi 3 ya 5 ya 7 ya11 baar ruqayah pad ke phunk kar pee sakte hai.

Astaghfar ki Dua

Astaghfar ki Dua 2

Laa ‘ilaaha illallaaku wahdahu laa shareeka lahu,
lahul-mulki wa lahul- hamdu,
waHuwa alaa kulli Shayin Qadeer.

Allah ke elaawah koi sachcha mabood nahin, woh akela hai, uska koi shareek nahin, usi ke liye badshahat hai aur usi ke iiye tamaam tareefaat hain aur woh har cheez par qaadir hai.

📕 Sunan Abu Dawood: 5077-Sahih
📕 Sunan Ibne Majah 3868
📕 Musnad Ahmed: 4/60-Sahih

۞ Hadees: “Ek martaba padhna bhi durust hai aur jis shakhs ne din mein 100 martaba yeh kalimaat kahe tou usey 10 Ghulaam Aazaad karne ka sawaab milega.

uske liye 100  nekiyan likhi jayengi aur 100 Ghalati mitaa di Jaayengi, shaam tak shaitaan se mahfooz rahega, aur qayamat ke din us sey afzat amal lekar koi nahi aaeyga lekin woh shakhs jisne yahi kalimaat ziyada martaba kahe.”

📕 Sahih Bukhari: 3293, Sahih Muslim:2691

Padosi ko Taqleef dene wala Momin nahi

Hadees: Padosi ko Taqleef dene wala Momin nahi

Allah ke Rasool (ﷺ) ne 3 martba Allah ki Qasam khate hue farmaya ke "Allah ki Qasam Wo Shakhs Muslman nahi jiska Padosi uski izaaon se mehfooz nahi." - 

(Bukhari & Muslim Sharif)

RasoolAllah (ﷺ) farmaya, "Wo Shaksh jannat mein nahi jayega jiska humsaya (Padosi) uske makar-o-fasad (yani Zulm-Sitam se) se ne mehfooz na ho" -

(Sahih Muslim 79)

Baap k beghair zindagi adhuri hai

"Zindagi mein safalta ki raah par chalne ke liye jis shakhs ka zikr zaroori hai, woh baap hai, kyunki unke bina zindagi adhoori lagti hai."

Yeh kehna hai ke ek baap ka zindagi mein hona aur unka saath dena kamiyabi ke liye bahut zaroori hai. Baap ke bina zindagi adhoori aur adhuri mehsoos hoti hai, kyunki unka pyar, rehnumai (guidance), aur hifazat har kadam par zaroori hoti hai.

Ghar ki barkate

Ghar mein barkat kin chizo'n se aati hai???

🌹 Quran shareef ki tilawat karne se.

🌹Namaz padhne se.

🌹Har haal m Allah ka shukr ada karne se.

🌹Allah se apne gunaho ki muafi mangne se.

🌹Kisi majboor ki madad krne se.

🌹Sadka kheiraat dene se.

🌹sabhi se accha sulook karne se.

🌹Subha ke waqt yaseen shareef padhne se.

🌹Sham ke waqt surah waqiya padhne se.

Ghar mein barkat kin chizo'n se nahi aati hai???

🖤Jaldi-jaldi namaz padhne se.

🖤 Khade hokr peshab krne se.

🖤 Peshab karne ki jagha waju banane se.

🖤 Khade hokr paani pine se.

🖤 Muh se phook maar kr chirag bhujane se.

🖤 Daanto s nakhun katne ya khane se.

🖤 Daman ya aastin s muh ya haath saaf karne se.

🖤 Ghar me fasad (jhuti ladai) karne se.

🖤 Chugliya karne se.

Aaj k maahol me barkat na hone ki wajha yhi hai

Ki yh sabhi kam kahi na kahi har ghar me aaj aam ho gye hai hum sabhi ko in se bachna chahiye.

Namaz or Quran shareef ki tilawat ki pabandi karni chahiye.

Allah hum sabhi ko namaz ka paband banne ki tofeeq de or neik raah par chlay.

Ameen ya rab ❤️

Biwi k huqooq

Aurto ka Haq Mardo par waisa hi hai jaisa Dastoor ke Mutabiq (Mardo ka haq) Aurato par hai, Al batta mardo ko unn par fazeelat hasil hai.

(Quran 2:228)

Koi Momin Mard, Momina Aurat, Yaani Apni Biwi se Bhugz (nafrat) na rakkhe, kyunki agar Us sey uss ki koi Aadat Napasand hai tou koi dusri pasand bhi hogi. 

(Muslim 1467)

Isi Tarha Allah Ke Rasool (ﷺ) ki Aahadees me farmaya ki,

Aurato se behtar Sulook karo kyunki Aurat pasli se paida ki Gayi hai aur pasli ka sab se zyada tedha hissa woh hai jo uska buland hissa hai.. Agar tu Usey Seedha karne lage ga tou Usey Thodh dega aur agar Chodh dega tou Tedhi hi Rahegi, Lihaza Aurto se Accha Sulooq karo.

(Bukhari 3331)

Aur dastoor ke Mutabiq Tumhari Biwiyo ki khuraaq aur Phoshaaq tumhare Zimme hai. (Hadith: Abu Dawud 1905)

Jis ki Do Biwiya ho aur woh Unn me se Ek ki taraf hi Mayeel (Atract) ho tou woh Qayamat ke Din is Haal me Aayega ke uska Ek Pehlu Jhuka hoga" (Hadith: Abu Dawud 2133)

Albatta woh umoor jinn me adal mumkin na ho jaise Mohabbat aur Dil ki Khushi tou in par khawind par khuch gunah nhi.

Rasool Allah (ﷺ) se phucha gaya ke biwi ka mard par kya haq hai tou aap ne farmaya ke,

Jab tu khana khae tou Usey khana khila aur ja tu Pehne tou Usey bhi Pehnna aur uske Muuh par na Maar, Usey bura bhala Kahe na Uss se Qata Talluq kar magar yeh ke Ghar ke Andar Andar.

 (Abu Dawud 2142)

Yaani kisi baat par Naraaz ho tou Usey Ghar se Dusri jagah na bhagao

Rasool Allah (ﷺ)ne farmaya ke,

Aye Allah! yeh meri taqseem aise muamle me hai jis me mera ikhtyaar hai aur jiss baat me tera ikhtyaar hai, mera nahi uss par mujhey malamat na farmana. 

(Hadith: Abu Dawud 2134)

Agar tum chaaho bhi to apni Biwiyo ke Darmiyaan Adal na kar sakoge.

(Quran; Surah Nisa; 4:129)

Allah Rabbul Izzat Quran-e Kareem me farmata hai:

Aur Biwiyo ke saath Acchi tarah raho saho.

(Quran 4:19)

Kya Raat mein rupaye Lene dene se gareebi aati hai?

Kuchh log kahate hain ki Raat mein rupaye ka Len den nahin karna chahiye is se ghar mein Barkat nahin Hoti hai yah logon ki galatfahmi hai Aisa khyal badshagooni aur gair isalami tawahhumaat mein se hai aisi chizon se Hadees paak mein mana Kiya gaya hai.

Nabi Akram Sallallahu Alaihi wasllam ne farmaya jisne badshagooni li wo hum mein se nahin yaani hamare tariqe per nahin.

 Lihaza qarz ka len den Karna Kisi waqt manhoos nahin aur raat mein karz dene ya rupya Paisa wagairah ke len den ko manhoos samajhna jahilon ka khyal hai jis ka shariyat mein Koi aitbaar nahin.

Fatawa Bahrul Uloom me hai: "Dinon mein Koi din aur auqaat mein Koi waqt aur ghadi manhus aur na mubarak nahin hai Sab din Allah ta'ala ke hain to Kisi din ki nahusat ka aitqaad karna Gair Islami hai" 

(Fatawa Bahrul Uloom Jild: 4, page: 141, Imaam Ahmad Raza Academy)

Be’adabi aur Jahalat Wali Baato Ka Anjaam …

♥ Mafhoom-e-Hadees: Rasool’Allah (Sallallahu Alaihay Wasallam) Farmatey Hai –

“Banda Ek (1) Baat Zubaan Se Nikaalta Hai Aur Uss Ke Mutalik Sochta Nahi

(Ke Kitni Kufr Aur Be’adabi Ki Baat Hai) Jis Ki Wajah Se Wo

Dozakh Ke Gherey Me Itni Door Gir Parta Hai Jitna Mashriq Se Magrib Door Hai”.

– (Bukhari: 81 Kitaab Al Raqaq:23 Baab Hifz Alsaan)

*Astagifirullah !!

Allah Hum Sabko Bachaye Be’adabi Aur Jahalat Ke Kaamo Se ,..

Ameen ❤️

Jannat ki Chabi Namaz hai

Jabir Bin Abdullah (R.A) se riwayat hai ki, 

RasoolAllah (ﷺ) ne Irshad farmaya –

“Jannat ki Kunji ( Key / Chaabi ) Namaaz hai 

aur Namaaz ki Kunji Wuzu hai.”

📕 Jami at Tirmidhi, Hadees-04 (Sahih)