Padosi ko takleef na pahuncha

       Hadees: Padosi ko takleef na pahuncha 

• Allah ke Rasool (Sallallahu Alaihay Wasallam) ne farmaya "Jo koi Allah aur Aakhirat ke din par Iman rakhta hai wo Apne Padosi ko takleef na pahunchaye." - 

                     (Bukhari 6018)

"Padosi ko takleef na pahuncha" ka matlab hai ke apne padosi ko kisi bhi tarah se dukh, pareshani, ya nuqsaan na dena.

Iska matlab sirf fizikal takleef dena nahi, balki kisi bhi amal se padosi ki zindagi mein mushkil paida na karna hai, jaise ke:

1. Unhe shor macha kar tang na karna.

2. Padosi ki izzat aur maal ka hifazat karna.

3. Unki zarurat mein madad karna aur unhe kabhi akela mehsoos na hone dena.

4. Unke haqooq ka khayal rakhna.

Yeh hadees yeh samjhati hai ke ek sacha momin apne aas-paas ke logon, khaaskar padosiyon ke saath husn-e-sulook se pesh aata hai.