Ramdan Ke Masayeel

Ramdan Ke Masail

(“Bismillah-Hirrahman-Nirrahim:
Allah Ke Naam Se Shuru Jo Nihayat Maherbaan Aur Rahem Wala Hai”)


*Tamam Tareefe Uss Allah Azawazzal Ke Liye Jo Tamam Jahano Ko Banana Wala Aur Usey Palney Wala Hai, Aur Durood-o-Salaam Ho Uskey Aakhri Nabi-e-Kareem (ﷺ) Par..

★ Sabse Badee FAZILAT – Nuzul-e-Quraan Ke Liye Iss Mahine Ka Intekhab Kiya:
Sabse Badi Failat Ye Hai Ke Allah Rabbul Izzat Ne Iss Mahine Ka Intekhab Apni Aakhri Kitab Qurane Majid Ko Nazil Karne Ke Liye Kiya,…
Andaza Lagaiye Kitni Aham Baat Hai Ye Ke – Allah Rabbul Izzat Ne Apna Aakhri Qalam Utara ,.. Jiske Talluk Se Allah Taala Ne Quraan Hi Me Bayan Farmaya Ke –

❤️  Al-Quraan : “Ramzan Ka Wo Mahina Jisme Quraan Ka Nuzool Hua Insaniyat Ki Hidayat Aur Rahnumai Ke Liye”
 – [Sureh: Baqrah 2: Ayat-185]

Isiliye Ramzan Ka Mahina Quraan Ka Mahina Bhi Kehlata Hai ,.
*Aur Nabi-e-Karam (Sallallahu Alaihay Wasallam) Ka Mamool Tha Ke Har Ramzan Aap Ek Quraan Ki Tilawat Puri Kartey They ,..
*Tarawih Me Quraan Pura Karna Achi Baat Hai ,..
Lekin Rasool’Allah (Sallallahu Alaihay Wasallam) Tilawat Bhi Karte They,…

*Tou Koshish Karey Ki Hum Bhi Ek Quraan Pura Tilawat Karey Har Ramzan,..
Aur Kyunki Humari Zaban Arbi Nahi Hai Tou Hum Koshish Ye Karey Ki Har Ramzan Ek Quraan Tarjume Se Padhein,.. Kam-Se-Kam Saal Me Ek Baar Tou Pata Chale Ke Humara Rab Humse Kya Chahta Hai,….

*Aur Ramzan ke Baad Tak Agley Ramzan Tak Ek Tafseer Padh Lu ,…
*Tafseer Ka Fayda Ye Hoga Ke Unn Ayato Ke Ahqamat Kaise Hai ?… Unki Gehrayiya Kya Hai ?….. Unki Hikmatey Kya Hai ?….. Nabi-e-Karam (Sallallahu Alaihay Wasallam) Aur Sahaba Ke Aqwal Kya Hai Iske Andar Ye Sab Jan’ne Ke Liye Mufasareen Ki Tafseer Padhiye,..

…. Agar Aisa Mamool Hum Bana Ley Tou Andaza Lagaiye Ilm Me Kya Ijafa Hoga Humare? ,.. Jehan Bhi Khulega,…. Amal Me Pukhtagi Bhi Aayegi ,.. Aur In’sha’Allah-Ul-Azeez Hum Majbut Momin Banenge ….